وحلّيني بقى على ما نعمل فرح تاني ويدفعوا اللي عليهم
For script of the scene, see below.
ريس: شوف يا اخويا الوقت الحي ابقى من الميت واخد بالك ما هو ميبقاش موت وخراب ديار ما تحضرونا يا رجالة. الوقتي (دلوقتي) الامانة معانا ومحدش من اهل الحارة ولا من المعازيم عارفين باللي حصل. أنا بقول نأجل اعلان الوفاة نداري الامانة جوا تلات اربع ساعات من غير ما حد ياخد باله لغاية ما تلمّ فلوسك يا اسطى الله ده انت ملمتش نص فلوسك لغاية دلوقتي
صفية: يا لهوي انت بتقول ايه
زينهم: معقولة يا ريس حبشي ده امي
ريس: طب والله لو عايشة وسامعانا دلوقتي لتوافق
صلاح: ايوا يا اخ زينهم الريس حبشي عنده حق على الاقل لما تمسك فلوسك في ايدك تعرف تعمل لها خارجة حلوة تليق بيها
ريس: الله ينور عليك يا ابو صلاح
صفية: يا ناس حرام عليكو الولية ميتة وانتوا عايزين تغنوا وترقصوا. انت هتعمل كده يا زينهم؟ هتعمل كده
عبد الله: يا ست الحزن في القلب وكلها ساعتين زمن
صفية: يا ناس اكرام الميت دفنه
صلاح: اسمعني كويس يا اخ زينهم هو لما ملك ولا رئيس دولة بيموت مش الحكومة بتخبي الخبر عـ الشعب تلات اربع ايام لحد ما ترتب نفسها علشان الشعب ميفكش والدنيا تبوظ
ريس: يا ابني بتعمل في نفسك كده ليه هو احنا هنرميها؟ مش لسة في اجراءات وغُسل يكون الفرح شطب واحنا هنسيبك
عسل: لامؤاخذة يا ريس حبشي لو ليا حق الكلام يعني
ريس: لا قول يا اخويا
عسل: دلوقتي يا اسطى زينهم الناس اللي تحت دي عدم لامؤاخذة لو عرفت إن الفرح باظ هتأجل الفلوس اللي عليها وحلّيني بقى على ما نعمل فرح تاني ويدفعوا اللي عليهم موال.....ولا أنا غلطان
ريس: لا صح